Americo

Americo, ‘sa m’è fatt,

anca te te se sposat ?

Un pistulin arzill com’ te

tropp cj-aveva ancor da fè.

C’l’avessa el tu’ Gogliardo

quell’arnese da maliardo !

En t’arcordi fin’a ieri

tra burett e tra bicchieri

che soffiavi e t’disperavi,

sopra i libre te schiattavi

sa la prospettiva trista

de morì ancor borsista ?

Quant’incassatur e gross magon

per sti trust e sti baron !

Quand te dann la promosion

se’ già ’rdott com’un minchion.

Quest’è la fin de no’ poracc

apena fè qualche soldacc

t’artrovi già impelagat

da la passera incastrat.

Colpa anca di pretacc

che t’arduchen com’un stracc,

sempre pronti a brontolè

se’i de’l gir sensa sposè.

Mo anca dop sposat

t’arconten ch’è pecat

de stè insiem pansa a pansa

sensa fè la figliolansa.

Te, Americo, pensa ma mè

en da’ ment ma quei malè:

se dla vita vo' ‘l piò bell,

se vo’ vincia tutt’j afann,

è d’avell com’un smarell

de non piò d’un para d’ann.

.