Goliardo  al  Cavaliere Elio Boni

Ottobre  1972

Sem machè a sta magnata,

più gustosa perchè insperata,

che festeggia el cavalierat

de st’emerito sciensiat.

Chi l’avria mai pensat

dopp tutt sti ann ch’avem pasat,

fra esam e promosion

‘t’arrivassa anca ‘l blason ?

Titti mia, so’ rmast de sass !

Me par ieri ch’incminciavi

sensa testa a trafficà

tel cucinon dla facoltà.

Oh, t’arcordi che bei temp !

C’era meno confision:

‘na leccata e ‘na fiutata,

sensa manch pensè mai ion

ce scappava l’ammission.

Dopp t’hann dat la pergamena

e s’entrat tel calderon.

Tel prim ann se giva ben,

ccle poch polvre che facevi

en cj-aveven manch per cas

di segret per el mi’ nas.

Sol per daj un po’ d’parvensa

de raport sa la gran scensa,

qualca volta t’niva in ment

de spieghè mai tu student

sagg al cocc, al tubicin,

alla perla, al carboncin.

Prest però è magnat la foja

ed è lett ti libre gross;

c’è scapata la dispensa

lavorata con pasiensa,

dov c’è tutta la tu scensa.

E’ incminciat la confusion:

se moveven j-elettron,

chi i chiapava, chi i perdeva,

en arniven mai i cont !

Quel che prima se faceva

in tla polver acsè com’era

ha tovat complicasion

sa tutt chi jon in solusion.

M’è fatt fè i salt mortal

praiutà ma chi porett !

Chissà ‘stora du eravam

se Zampanon en te fermava

sa le ftucc e le molett !

Quand me mess ben ben tel sacch

tutt de chiopp de rol t’hann fatt

(non per di’, sor cavalier,

mo e stat tutt merit mia).

Mo Goliardo, ch’en’ è stupid

s’è aggiornat sal nov sistema,

dov’el ram perd’ el color

salla polver del carbon.

Me pareva ch’era arnutt

el bel temp d’assagg e sputt.

Mo el testard en ha vutt pace,

s’è spremutt tutta n’estat.

Fnisc da perda la criniera

e t’ardoppia la dispensa.

C’en dle grandi novità,

fra i student nisciun le sà:

ion del comun, piacca, picacca,

e n’accidente che te spacca !

E da poch c(e)’ne ‘n’altr’ancora:

per l’anallis se lavora

sa’n psichin de roba apena,

ch’prim’ancora de fè i sagg

te va via tutt’el coragg

perch’è fnitta sai asagg !

S’è capita, in conclusion,

che me vo’ mandè ‘n pension.

Non content dle tu’ lesion

te se mess’anc’a sgaggiè

per le piass e i rion

te se dat un gran da fè.

A la fin, per fatt sta sitt,

anca quei del tu’ partitt

quand’è statta l’ora bona

armediat t’hann ‘na poltrona:

alla sala comunale

e alla giunta provinciale.

Anch’al circol cittadin

t’se’ trovat’un posticin

e tra Mendes e Bugaton

è fatt sempr’un figuron !

Alla fin dl’evolusion,

ingancitt dai risultat

ach’el gioc s’è trasformat:

abbandona el pisichin

el macao ed el ramin

e con quelli di Milano

fa’ un gioc assai più strano.

 Pien de tanta autorità

non rivolgi mai lo sguardo

al tuo povero Gogliardo

sempre in tl’Università

salla scopa e sal piumin,

i termometre e barometre,

sensa veda mai un guadrin !

A proposit de termometre:

A proposit de termometre

el sapet ch’è diretor

sia del vent che di acquason,

del caldes e di nebbion ?

Pro el lavor tocca ma me

ch’so el guardon dl’Osservatori.

E saria tu’ gran dover,

or ch’se anca cavalier

d’aumentamm l’onorari;

pro suced tutt’el contrari,

tutt somat ma ste minchion

tocchen sol le umiliasion.

Sgaggia pur quant’te par:

quand la nev s’arporta in acqua

te fè sempre confusion.

Com ha dett quel de Bologna

en’è vera che la nev

sempr’ugual vien giò dal ciel.

C’è fioccosa, c’è bagnata,

cristallina, corinata.

E artornand ma chel discors

de millimetre e centimetre,

en so’ minca po’ convint

che’na scarpa almen de nev,

quand la vè a trasformalla,

ma da riempa el serbatori

de cl’agegg dl’Osservatori.

Tant c’è poch da borbotè

en me lasci propi nient:

diretor, consilier,

incaricat, assistent,

socc(i) del circol, cavalier.

Mè lasciato solament

la commenda del lament.

Me sa tatnt ch’sa tutt sti incarich

sa tutt quant sti bei guadrin

te ce scappa tra non tant

de fat anca un bel villin !

Arfacem un po’ i cont:

avrè fatt la tu’ carriera.

Se’ partitt sa ‘na lambretta,

quand givam all’arembagg

per le strade dl’Acqualagna

lancia in resta e gran coragg,

sai capej tutti mal vent

quand’ancora en’eri plat.

Or è fatt ‘na macchinetta

de otanta e piò cavall

per gì mont e arnì da vall:

basterann pr’un cavalier ?

E con grande devozione

e con somma deferenza

salutiam l’anfitrione

con una bella riverensa:

dottor Boni cavaliere.

Cavaliere per presenza

o per l’arte del bicchiere ?

Ai presenti la sentenza.

Probabil spiegazione:

al maneggio provinciale

avrà vinto una tenzone

con Sartana o con Leone ?

Caro Titti siamo amici,

noi parliam per convenienza.

Siamo lieti e siam felici

qual che sia la provenienza

della tua cavalieranza,

perchè avrem piena la panza.

Brindo a te gran cavaliere

del lavoro e del mestiere

alla tua gran rinomanza

che ci fa riempir la panza.